pratītyasamutpāda (Broomhead)
Also numbered H.149.X.22, B154.

Section: R
transcription:
l.1:
/// (mā wänta)rw(a)mpa rittoṣ palsko läklentameṃ tsälpātsiś ṣarm lkāṣṣäṃ • nervāṇäṣṣai ytāri lkāṣṣäṃ : te-yäknesa kr(ā)ke·s·l.2:
/// (nesamane) (ṣä)rmanasa tseṅkemane : ṣärmanmaṃts mā tatākarne kesemane lkāṣṣän-me • snai āñm aikarona • tuṃeṃ po śaiṣṣe ykel.3:
/// ompostäṃ palkalyñe imentse śmoñña • ce pelaiknentane pelaikne omṣostäṃ [note: for "ompostäṃ"] palkalyñe imentse śmoññaisa • śtwāra klyo-l.4:
/// läklentse prutkālyñene ynūca oktatsa klyomña ytārye klyomoṃts empreṃtsäññe • || || se wete pratītyasamutpatl.5:
/// (rū)paṣṣe ātse taisa lkāṣṣälle mäkte wärmīya lesto • mäkte warmi lestaine yänmaskeṃ • taisa rūpaṣṣe ātsel.6:
/// -k tsāknaṃ läkle − − ·entsa tane aknātsaññeṃtse ṣañäññe lkāṣṣälle || warpalyñeṣṣe āntse tsakno(y)
transliteration:
l.1:
/// -‹r›w·mpa rittos̝ˎ palsko ḻa̱klentameṃ ‹tsa̱›lpātsiś¨ˎ ṣarm̱ˎ lkās̝s̝a̱ṃ • nervāṇäṣṣai ytāri lkās̝s̝a̱ṃ • te-yäknesa kr·k‹e›[·s·]l.2:
/// -rmanasa tseṅkemane • s̝a̱rmanmaṃts̱ˎ mā tatākarne kesemane lkās̝s̱a̱n-me • snai āñm̱¨ˎ aikarona • tumeṃ po śaiṣṣe ykel.3:
/// omposṯa̱ṃ pa [note: "pa" added under line] lkalyñe imentse śmoñña • ce pelai‹k›nentane pelaikne omṣosṯa̱ṃ palkalyñe imentse śmoññaisa • śtwāra klyo-l.4:
/// [ḻa̱]k[l]entse pru‹t›kālyñene ynūca oktatsa klyomña ytārye klyomoṃts̱ˎ empreṃts̱a̱ññe • || || se wete pratītyasamutpaṯˎl.5:
/// − paṣṣe ātse taisa lkās̝s̝a̱lle m̱a̱kte wärmīya lesto • m̱a̱kte warmi lestaine yänmaskeṃ • taisa rūpaṣṣe ātsel.6:
/// -‹ḵ›[ˎ], ts‹ā›knaṃ ḻa̱‹k›le [−] − [·e]ntsa tane aknātsañ‹ñ›eṃtse ṣañäññe lkās̝s̝a̱lle || warpalyñaṣṣe āntse tsak‹n›o
Bibliography:
Sieg_Siegling_1953: 83 (edition)
Broomhead_1962: 60-61, 66-67 (edition)
r1: Thomas_1954a: 754 (translation)
r4: Carling_2000: 246 (translation)

Section: V
transcription:
l.1:
/// (ṣe)me ṣarsa ceṃ prer(esa wsecce sä)lkoy-ne • wace ṣarsa (sāṃ)tkenta laupoy-ne āñu yamī-ne • su ṅke aparimāṃ läkl(e)l.2:
/// (mä)kte orocce lyamne orkamotsai yaṣine meñantse ściriṃts läktsauña kos ālpaṃ warne entwe eṅtsi totl.3:
/// (l)k(ā)ṣṣäṃ mäkte tärrek eṅwe yesti nāskoy enersäṅk ṣaläskemane tuk mataryai śolyine päst tsśīträl.4:
/// (mā) ṣ(e)k(a)ññeṣṣai śoline tsäksenträ • skeyeṃ rano aikareṃ tserekwa lkāṣṣäṃ || vijñāṃ pälyca-pälycä lkāṣṣäṃ tane tamne tsaksemanel.5:
/// (t)aisa ñiś yāmorṣṣe śerkne ñäkcīyana śāmñana rūpanma sätkasamai taisa nrai lwāsa preteṣṣana • mäkte ṣäñ rūpaṣṣe serke lkāṣṣäṃl.6:
/// sä warpalyñeṣṣeṃ praściye swāsäṣṣawa ṣañ śle alyeṅkäṃts || ṣotri eṅkalyñe naumiyeṣṣe taupe ra śwarā-(ts)ai(ñenta)
transliteration:
l.1:
/// -[me] ṣarsa ceṃ pre‹r›· [−] − [−] [l]k[o]y-ne • wace ṣarsa − tkenta laupoy-ne āñu yamī-ne • su ṅke aparimā‹ṃ› ḻa̱kl·l.2:
/// -kte orocce lyamne orkamotsai yaṣine meñantse ściriṃts̱ˎ ḻa̱ktsauña kos̱ˎ ālpaṃ warne entwe eṅtsi toṯˎl.3:
/// ·k·s̝s̝a̱ṃ m̱a̱kte ṯa̱rreḵˎ eṅwe yesti nāskoy¨ˎ eners̱a̱ṅḵˎ ṣaḻa̱skemane tuḵˎ mataryai śolyine p̱a̱sṯ‹ˎ› tsśītṟa̱l.4:
/// [ṣ]·k·ññeṣṣai śoline ts̱a̱ksentṟa̱ • skeyeṃ rano aikareṃ tserekwa lkās̝s̝a̱ṃ || vijñāṃ p̱a̱lyca-p̱a̱lycä taisa lkās̝s̝a̱ṃ tane tamne tsaksemanel.5:
/// ‹·ai›sa ñiśˎ yāmorṣṣe śerkne ñäkcīyana śāmñana rūpanma s̱a̱tkasamai taisa nrai lwāsa preteṣṣana • m̱a̱kte ṣañ¨ˎ rūpaṣṣe serke lkās̝s̝a̱ṃl.6:
/// [s·]ä warpalyñeṣṣeṃ praściye swās̱a̱ṣṣawa ṣañ¨ˎ śle alyeṅḵa̱ṃts̱ˎ || ṣotri eṅkalyñe naumiyeṣṣe taupe ra ś[w]a‹r›ā-·ai-
Bibliography:
Sieg_Siegling_1953: 83 (edition)
Broomhead_1962: 60-61, 66-67 (edition)